PRAESUMTIO Imperii

PRAESUMTIO Imperii

apud Ael. Spartian. in Hadriano, c. 2. Habuit autem praesumationem Imperii mox futuri, ex fano quoque Nicephorii Iovis manante responso, quod Apolloniu; Syrus Plaetonicus libris suis indidit: non simpliciter πρόγνωσις est, sed fiducia quaedam et spes indubitata rei necessario eventurae. Uti patet ex seqq. ubi dicitur, Secundo Cons. favore Plotinae factus totam praesumptionem adoptionis emeruit: h. e. pro incerta spe, quam dudum conceptam hactenus foverat, πληροφορίαν et plenam fiduciam est consequutu. Primo enim Hadrianus de Imperio cogitavit, ex suggestione Patrui magni et Moesi cuiusdam Mathematici. Deinde donatus a Traiano adamante gemmâ, ad spem successionis est erectus. In ea spe postea confirmavit eum Sura, a quo comperit, a Traiano se adoptandum: unde in adoptionis sponsio nem cum Palma et Celso venire est ausus. Tandem vero secundum designatus Consul, totam praesumptionem adoptionis emeruit, Vide Casaubon. et Salmas. ad loc.